Awe tardi pa 5:44 pm a drenta melding di un storing na Sabana Blanco,Primavera,Paradera,Rooi Afo y vecindario. Na momento cu nos tecniconan a jega a cuminsa traha mesora riba identificacion di e causa cu a ocasiona e storing aki .A bin descubri cu e causa di e storing aki tabata un blaas di helium. Pa 6:30 pm awe tardi ELMAR a logra reestablece coriente pa tur e areanan afecta.

Nos kier consientisa pueblo cu e blaas di helium ta traha di un material di aluminium. Aluminium ta un metal conductivo, na momento cu blaas aki jega den contacto cu nos linjanan di coriente , esaki ta ocasiona un corto circuito.

Laga nos tur sea mas conciente ora di uza blasnan di helium y purba pa no laganan bula bai.

Nos ta gradici tur nos techniconan cu a actua imediatamente pa resolve e storing di awe tarde. Nos disculpa pa e inconveniencia cu e storing aki por a ocasiona.



Aki nos ta comparti un link cu mas informacion tocante e danjo cu un blaas di helium por ocasiona na linjanan di coriente (2020): https://www.trebelenergy.com/.../03/16/when-balloons-go-bad/