ELMAR ta relata riba e storing den area di Palm Beach di 7 d mei 2024: ELMAR ta informa tocante e interupcion di servicio di coriente cu a afecta area di Palm Beach y Kamay. Pa mas o menos 10:29 am a drenta un melding na nos Departamento di Storingsdienst na unda cu lo tin un storing den e area di Palm Beach. Mesora nos tecniconan a mobilisa pa atende cu e situacion.

Na yegada, nos tecniconan a bin constata cu ta trata di un corto circuito den nos Trafohuis na Palm Beach cu a laga e area di Palm Beach y Kamay sin coriente. E causa di e interupcion aki tawata debi na trabaonan di “landscaping” cu tawata tumando luga e momento ey den cercania door di un compania local y awa lo a drenta den e trafohuis.

Pa 11:39 am e suministro di coriente a ser reestableci den tur area afecta.

N.V. ELMAR ta keda enfatisa na su clientenan cu suministro di coriente sin interupcion ta un meta esencial den e maneho diario di N.V. ELMAR. Por medio di e comunicado aki N.V. ELMAR ta pidi su disculpa na su consumidornan pa e inconveniencia cu e interupcionnan ariba menciona por a ocasiona.