Durante heat waves den e temporada di calor, e temperaturanan halto ta presenta desafionan riba cualkier infrastructura di distribucion rond mundo. Den preparacion pa e temporada, ELMAR ta tuma medidanan riba infrastructura di distribucion di coriente di Aruba.
Durante e temporada di calor for di Juni te cu September, Aruba ta experiencia e temperaturanan mas halto di e aña. Durante heat waves den e temporada aki, e temperaturanan halto ta presenta desafionan riba cualkier infrastructura di distribucion rond mundo.
ELMAR tin e capacidad necesario den su kabelnan pa mantene e distribucion di coriente. Nos ta expande continuamente e grid di coriente pa acapara e demanda creciente. Sinembargo, e infrastructura di coriente por wordo afecta pa motibo di calor excesivo, y e aumento rapido y drastico di consumo. Den preparacion pa e temporada, ELMAR ta tuma medidanan riba infrastructura di distribucion di coriente di Aruba.
Aki tin un bista riba e pasonan cu nos ta tuma pa sigura un suministro di coriente durante e temporada aki.
Monitor Kabelnan di Distribucion:
Midimento Proactivo di Carga: Nos ta midi e carga riba e kabelnan di distribucion rond di nos isla pa identifica cualkier punto di stress den e red cu por wordo afecta.
Operacionnan di Transferencia (Schakel) di Carga:
Balansamento di Red: Unda ta necesario, nos ta transferi e carga pa otro kabelnan pa balansa e red y preveni sobrecarga. E maneho mitiga pa transferi carga ta crucial pa mantene un servicio di coriente durante periodo di uzo peak.
Medidanan Addicional:
- Preparacion pa Emergencia: Preparacion pa cualkier posibel disrupcion di coriente ta inclui un ekipo di respuesta na standby y cla pa trata y restaura suministro di coriente rapidamente.
- Comunicacion cu Clientenan: Mantene residentenan y negoshinan informa tocante un interupcion di coriente of cualkier trabou di mantencion planea cu por afecta e servicio temporaralmente.
- Inspeccion di Ekiponan: Inspeccion y mantencion di ekiponan pa sigura un operacion optimo durante e temporada di demanda halto.
Door di ta proactivo cu e preparacionan aki, nos ta enfoca pa provee un suministro stabil di coriente pa tur residente y negoshi na Aruba, especialmente durante e lunanan di mas cayente di e aña. ELMAR ta continuamente monitor e kabelnan di distribucion y ehecuta operacionnan di transferencia di carga. Hunto, nos tin cu prepara pa e temporada di calor.
(297) 523-7100