Recientemente, nos a informa nos clientenan den e area di Tanki Leendert te cu Noord cu nos tabata ta eherciendo un trabou di mantencion den nos Onderstation Tanki Leendert. E trabou tabata planea pa finalisa riba dialuna 27 di mei, sinembargo ya nos a termina e trabou aki.

Awor nos lo sigui cu e trabou di mantencion aki na nos Onderstation Pos Abou. Pa e motibo aki, nos kier informa nos clientenan den e area y vecindario cu lo tin un trabou ta andando riba e Onderstation cu ta responsabel pa distribui coriente na e areanan aki. Esaki ta un trabou di mantencion preventivo pa garantisa e continuidad di suministro di coriente.

Trabou di mantencion den nos Onderstation no ta rekeri un interupcion (shutdown) di suministro di coriente door cu nos ta transferi (schakel) e carga di e Onderstation pa un otro stacion, pa nos por sigui distribui coriente na e areanan y evita interupcion di servicio di coriente pa nos clientenan. Sinembargo, e proceso aki ta pone un esfuerzo adicional riba e kabelnan di e otro stacion.

Nos tecniconan lo monitorisa e situacion durante henter e periodo. E trabou di mantencion aki lo finalisa riba diabierna 31 di mei. Danki pa e comprension.