Oranjestad - 9 mei 2025 - ELMAR ta enfatisa e importancia di seguridad riba caminda.

ELMAR kier pone enfasis riba e importancia di seguridad den trafico. Cantidad di casonan di conductornan cu ta causa accidente cu poste di coriente y luz ta preocupante ainda. E situacion aki no ta solamente causa daño na e infrastructura di coriente di Aruba y laga un area sin suministro di coriente, pero tambe ta causa peliger pa e conductor.

44% di e red di coriente na Aruba ta riba tera. E red di coriente riba tera ta inclui poste di coriente y palo di luz pa trafico. Actualmente, nos tin tres tipo di poste di coriente y luz: Poste di Palo, Poste di Metal y Composite Pole.

ELMAR kier haci un yamada na tur conductor pa maneha consciente y cu cuidou pa evita accidentenan riba caminda cu nos postenan di coriente y di luz. Hunto nos tin e responsabilidad colectivo pa promove un ambiente di trafico sigur pa tur hende.